ഈ ചെറിയ പ്രായത്തിലെ അമ്മയ്‌ക്കൊപ്പം ഈണത്തിൽ ചേർന്നുപാടി കുഞ്ഞു മിടുക്കി..!! ഹൃദയം കവർന്ന് ശരണ്യ മോഹനും മകളും..!! | Saranya Mohan Daughter Singing
Saranya Mohan Daughter Singing : മലയാള സിനിമാ ലോകത്തെന്ന പോലെ തമിഴ് സിനിമാ ലോകത്തും ഒരുകാലത്ത് ഏറെ തിളങ്ങി നിന്ന അഭിനേത്രികളിൽ ഒരാളാണ് ശരണ്യ മോഹൻ. ഫാസിലിന്റെ സംവിധാനത്തിൽ പിറന്ന ” അനിയത്തിപ്രാവ്” എന്ന എവർഗ്രീൻ ചിത്രത്തിലൂടെ ബാലതാരമായി അരങ്ങേറിയാണ് താരം അഭിനയലോകത്ത് എത്തുന്നത്. പിന്നീട് ധനുഷ് -നയൻതാര എന്നിവർ കേന്ദ്രകഥാപാത്രങ്ങളായി പുറത്തിറങ്ങിയ “യാരടി നീ മോഹിനി” എന്ന ചിത്രത്തിലൂടെ തമിഴ് സിനിമാ ലോകത്തും ഏറെ പ്രേക്ഷക സ്വീകാര്യതയുള്ള താരമായി മാറുകയായിരുന്നു ഇവർ.
എന്നാൽ ഡോക്ടർ അരവിന്ദുമായുള്ള വിവാഹത്തിനു ശേഷം അഭിനയലോകത്ത് നിന്നും വിട്ടുനിന്നെങ്കിലും സമൂഹ മാധ്യമങ്ങളിലും മറ്റും ആരാധകരുമായി സംവദിക്കാനും വിശേഷങ്ങൾ പങ്കുവെക്കാനും ശരണ്യ പലപ്പോഴും സമയം കണ്ടെത്താറുണ്ട്. നീണ്ട ഏഴു വർഷത്തെ സൗഹൃദത്തിന് ഒടുവിലാണ് തങ്ങൾ വിവാഹിതരാകുന്നത് എന്ന് ശരണ്യ പറഞ്ഞിരുന്നു. തുടക്കത്തിൽ സോഷ്യൽ മീഡിയ വഴിയായിരുന്നു തങ്ങൾ പരിചയപ്പെട്ടിരുന്നത് എന്നതിനാൽ ഈയൊരു ബന്ധം വലിയൊരു സൗഹൃദത്തിലേക്ക് തങ്ങളെ കൊണ്ടെത്തിച്ചുവെന്നാണ് താരം പറഞ്ഞത്.
തുടർന്ന് വീട്ടിൽ വിവാഹാലോചനകൾ നടക്കുന്ന സമയത്ത് തനിക്ക് മുൻപരിചയമില്ലാത്ത ഒരു പെൺകുട്ടിയെ വിവാഹം ചെയ്യുന്നതിനേക്കാൾ നല്ലത് നമ്മെ അറിയുന്ന ഒരാളെ വിവാഹം ചെയ്യലാണ് എന്ന് തനിക്ക് തോന്നിയെന്ന് ഡോക്ടർ അരവിന്ദ് പറഞ്ഞിരുന്നു. ഈയൊരു സമയത്ത് ശരണ്യയ്ക്കും വീട്ടിൽ വിവാഹാലോചനകൾ നടക്കുന്നുണ്ട് എന്ന് താൻ അറിഞ്ഞപ്പോൾ അവളുടെ വീട്ടിലേക്ക് താൻ വിവാഹാലോചനയുമായി പോയി എന്നായിരുന്നു പറഞ്ഞത്.
എന്നാൽ വിവാഹശേഷം സമൂഹ മാധ്യമങ്ങളിലും മറ്റു പൊതു ഇടങ്ങളിലും താൻ നിരവധി ഗോസിപ്പുകൾക്കും ബോഡി ഷൈമിങ്ങിങ്ങുകൾക്കും ഇരയാക്കപ്പെട്ടിരുന്നു എന്നും പ്രസവത്തിനുശേഷം തന്റെ തടി കൂടിയതോടെ പലരും തന്നെ പരിഹസിച്ചിരുന്നു എന്നും അതൊക്കെ വലിയ രീതിയിൽ തന്നെ ബാധിച്ചിരുന്നു എന്നും ശരണ്യ മോഹൻ പറഞ്ഞിരുന്നു. ഇപ്പോഴിതാ താരത്തിന്റെ മകൾ പാടുന്ന ഒരു ഇൻസ്റ്റാഗ്രാം വീഡിയോ ആണ് സോഷ്യൽ മീഡിയയിൽ വൈറലാകുന്നത്.
