സീരിയൽ നടനിൽ നിന്നും റോക്കി ഭായിലേക്ക്..!! യാഷിന്റെ സിനിമയെ വെല്ലുന്ന ജീവിത കഥ… | Yashs Life Story

Yashs Life Story : ഇന്ത്യൻ സിനിമ മേഖലക്ക് പുതിയൊരു വഴിത്തിരിവ് നൽകിയ ചിത്രമാണ് ‘കെജിഎഫ്’. 2018-ൽ പുറത്തിറങ്ങിയ പീരിയഡ് ആക്ഷൻ ചിത്രം മികച്ച പ്രേക്ഷക സ്വീകാര്യത നേടിയിരുന്നു. ഈ ചിത്രം പുറത്തിറങ്ങിയതിന് ശേഷം യാഷ് എന്ന നടന് പുതിയൊരു മേൽവിലാസം ലഭിച്ചു. ഇന്ന് ഇന്ത്യൻ സിനിമ പ്രേക്ഷകർ കഴിഞ്ഞ 3 വർഷമായി കാത്തിരുന്ന ‘കെജിഎഫ് ചാപ്റ്റർ 2’ എന്ന ചിത്രം റിലീസ് ചെയ്തിരിക്കുകയാണ്.

ഇന്ന് ഞങ്ങൾ നിങ്ങളോട് പറയാൻ പോകുന്നത് യാഷിന്റെ സിനിമാ ജീവിതത്തെക്കുറിച്ചല്ല, മറിച്ച് അദ്ദേഹത്തിന്റെ യഥാർത്ഥ ജീവിതത്തെ കുറിച്ചാണ്. എന്നാൽ, ഇത് വായിക്കുമ്പോൾ ഒരുപക്ഷെ നിങ്ങൾക്ക് ശരിക്കും ഒരു സിനിമയുടെ കഥ കേൾക്കുന്നത് പോലെ തോന്നിയേക്കാം. ചെറുപ്പം മുതലേ യാഷിന് നടനാകാൻ ഇഷ്ടമായിരുന്നു. തന്റെ ആഗ്രഹം നിറവേറ്റുന്നതിനുള്ള പരിശ്രമത്തിൽ ഏർപ്പെട്ടത് കൊണ്ട്, യാഷിന് അദ്ദേഹത്തിന്റെ പഠനം പോലും പൂർത്തിയാക്കാനായില്ല.

എന്നാൽ, യാഷ് പഠിച്ച് നല്ലൊരു ജോലി കണ്ടെത്തണം എന്ന് അദ്ദേഹത്തിന്റെ മാതാപിതാക്കൾ ആഗ്രഹിച്ചിരുന്നു, പക്ഷെ യാഷിന്റെ വിധിയിൽ എഴുതിയിരിക്കുന്നത് മറ്റൊന്നായിരുന്നു. ഒരു ഇടത്തരം കുടുംബത്തിൽ നിന്നാണ് യാഷ് വരുന്നത്, അച്ഛൻ കർണാടക സ്റ്റേറ്റ് ട്രാൻസ്‌പോർട്ട് കോർപ്പറേഷന്റെ ബസ്‌ ഡ്രൈവറാണ്. അഭിനയം എന്ന സ്വപ്നം സാക്ഷാത്കരിക്കാൻ യാഷ് ബാംഗ്ലൂരിൽ എത്തിയത് വെറും 300 രൂപയുമായിട്ടായിരുന്നു.

എന്നാൽ ബാംഗ്ലൂരിൽ എത്തിയതിന് ശേഷം യാഷിന് ഒരുപാട് കഷ്ടപ്പെടേണ്ടി വന്നു. അങ്ങനെ, യാഷ് ഒരു നാടക ഗ്രൂപ്പിൽ ചേർന്നു, പശ്ചാത്തല കലാകാരനായും ലൈറ്റ്മാനായും അദ്ദേഹത്തിന് പ്രവർത്തിക്കേണ്ടി വന്നു. എന്നിരുന്നാലും, യാഷിന്റെ കഠിനാധ്വാനം പതുക്കെ അദ്ദേഹത്തിന്റെ ജീവിതത്തിലേക്ക് ശരിയായ നിറങ്ങൾ കൊണ്ടുവരാൻ തുടങ്ങി. ടിവി സീരിയലുകളിലും പിന്നീട് സിനിമകളിലും യാഷിന് അവസരം ലഭിച്ചു തുടങ്ങി. യാഷ് ആദ്യമായി അഭിനയിച്ച ടിവി സീരിയലിന്റെ പേര് ‘നന്ദ് ഗോകുല’ എന്നാണ്. അദ്ദേഹത്തിന്റെ ആദ്യ ചിത്രത്തിന്റെ പേര് ‘ജംഭദ ഹുഡുഗി’ എന്നാണ്. എന്നാൽ, യാഷിന്റെ കഠിനാധ്വാനം യഥാർത്ഥത്തിൽ ഫലം കണ്ടത് 2018-ൽ കെജിഎഫ് പുറത്തിറങ്ങിയതോടെയാണ്‌.